Ajaranews, breakingmash-ზე დაყრდნობით, ავრცელებს ინფორმაციას, რომ ქართველმა მეზღვაურმა, შავ ზღვაში შტორმის დროს, თითები დაკარგა.
გემი GAIA I შტორმში ტამანის პორტის მახლობლად მოხვდა. ტელეგრამში მხოლოდ ეკიპაჟის ქართველი წევრის გვარი ვრცელდება – მახარაძე. მას შტორმის დროს თითები კარებში მოჰყვა. დაშავებული მეზღვაური პორტში მედიკოსებს გადასცეს და საავადმყოფოში გადაიყვანეს.
შეგახსენებთ, აჭარაში გუშინ ბოლო 100 წელში ყველაზე ძლიერი, 8-ბალიანი შტორმი, დაფიქსირდა.
სტიქიამ დააზიანა ინფრასტრუქტურა ბათუმში, ქობულეთში, ფოთსა და ანაკლიაში. დაზიანებულია საფეხმავლო ბილიკები, ქვაფენილი, სკამები და სეზონურად მომუშავე კაფე-ბარები. დატბორილია ქუჩები და დაზიანებულია საცხოვრებელი სახლებიც.