“მთავარი არხის” გენერალური დირექტორი ნიკა გვარამია “ფეისბუქზე” გამოეხმაურა კომუნიკაციების მარეგულირებელი ეროვნული კომისიის დღევანდელ სხდომაზე მიღებულ გადაწყვეტილებას, სადაც “მთავარი არხი”, ბექა ყორშიას სიუჟეტში გასული კადრის გამო, სამართალდამრღვევად სცნო.
ნიკა გვარამია წერს, რომ მარეგულიერებელ კომისიას ამის უფლებამოსილება არ გააჩნდა.
“საქმე იმაშია, რომ კომისიას ამის უფლებამოსილება არა აქვს! ამის – ანუ ცენზურის! გილოცავ ერო, ცენზორი მოგვევლინა და ცენზურა ჩაგვირთეს! გილოცავთ”, – წერს მთავარი არხის გენერალური დირექტორი ნიკა გვარამია.
შეგახსნებთ, რომ კომუნიკაციების კომისიამ „მთავარი არხი“ ეთერში უხამსობის ტირაჟირების გამო სამართალდამრღვევად ცნო.