იტალიური მედია ნაპოლისთან ახალი კონტრაქტის დეტალებზე წერს.
Tuttomercatoweb იტყობინება, რომ მხარეები საკმაოდ ახლოს არიან ხელშეკრულების განახლებასთან, რომელიც 2027 წელს იწურება. აურელიო დე ლაურენტისი მზადაა ქართველ ფეხბურთელს წელიწადში 4 მილიონი ევრო გადაუხადოს ხელფასის სახით, კონტრაქტი კი 2028 წლის ზაფხულამდე განახლდება, კიდევ ერთი წლით გახანგრძლივების ვარიანტით. იმის გათვალისწინებით, რომ ხვიჩას ხელფასი ამჟამად 1 მილიონზე ოდნავ მეტია, რითაც გუნდში ერთ-ერთი ყველაზე დაბალანაზღაურებადი ფეხბურთელია, ეს სულაც არ არის ურიგო ვარიანტი.
როდის მოხდება კონტრაქტზე ხელის მოწერა, ჯერ კიდევ უცნობია. მიმდინარე სეზონში ხვიჩა კვარაცხელიამ ყველა ტურნირზე ნაპოლის მაისურით 15 მატჩში 3 გოლი, 4 საგოლე პასი და 2 მოპოვებული პენალტი მიითვალა.
გასულ სეზონში ის სერია A-ს სეზონის საუკეთესო ფეხბურთელი, ჩემპიონთა ლიგის საუკეთესო ახალგაზრდა ფეხბურთელი და იტალიის ჩემპიონი გახდა.