სახამებელი არის თეთრი, უგემოვნო და უსუნო ფხვნილი, რომელიც წარმოიქმნება კარტოფილის, სიმინდის, ხორბლისა და ბრინჯისგან. ოდესღაც ის ყველა სახლში იყო და დიასახლისები მას ფართოდ იყენებდნენ ჟელესა და მუსის, პირსახოცების, თეთრეულისა და ტანსაცმლის რეცხვისას. მაგრამ ამის გარდა, სახამებლის მრავალი ყოველდღიური გამოყენება არსებობს.
საფეხურები:
ლაქების მოცილება
დაამატეთ სახამებლის ფხვნილი წყალში, რომ მიიღოთ სქელი ნარევი და შეაზილეთ სისხლის ან მელნის ლაქაზე. გააშრეთ ტანსაცმელი და მოაშორეთ ზედმეტი სახამებელი. საჭიროების შემთხვევაში გააკეთეთ მეორედ და ტანსაცმელი ჩვეულებრივად გარეცხეთ. სახამებელი შესანიშნავად აშორებს ცხიმის ან ჭუჭყის კვალს. ამისათვის ფხვნილი დააყარეთ ჭუჭყიან ადგილებზე, მსუბუქად შეაზილეთ ღრუბლით და გააჩერეთ 20-30 წუთით ადრე გარეცხვამდე.
ავეჯის გაპრიალება
კარგად გაასუფთავეთ ავეჯი და წაუსვით სახამებლის პასტა რბილ, სუფთა ქსოვილზე. ამის შემდეგ გააპრიალეთ ხე, სანამ არ გაბრწყინდება. თქვენ შეგიძლიათ გააპრიალოთ თქვენი მანქანა და ვერცხლის ნივთები იმავე მეთოდით.
უსაფრთხო წებო ბავშვებისთვის
მცირეწლოვან ბავშვებს უყვართ სხვადასხვა რაღაცების კეთება აქტივობის დროს. მათთვის არატოქსიკური წებოს გაკეთება შეგიძლიათ. სახამებელი გახსენით ცივ წყალში და დაასხით მდუღარე წყალი თხელ ნაკადულად, განუწყვეტლივ ურიეთ. გაგრილების შემდეგ, წებო შეგიძლიათ გამოიყენოთ.
გამწმენდი და სუნის შთამნთქმელი
ერთ ტომარაში მოათავსეთ ჭუჭყიანი და ცუდ სუნიანი სათამაშოები სახამებლის ფხვნილთან ერთად, მჭიდროდ შეახვიეთ და რამდენჯერმე შეანჯღრიეთ. დატოვე ჩანთა ერთი დღე გაუხსნელად, შემდეგ კი კარგად დაბერტყეთ სათამაშო.
ბუნებრივი ოფლის სამკურნალო საშუალება
თუ ბევრს ოფლიანობთ და გაქვთ ალერგიული რეაქციები სამრეწველო დეოდორანტებზე, შეგიძლიათ იღლიები და სხეულის ნაკეცები სახამებლის ფქვილით დაიმუშავოთ. ეს ხელს შეუშლის ოფლიანობას და აღმოფხვრის სუნს.
აბაზანის “ბომბი”
სოდა შეურიეთ ლიმონმჟავას, დაამატეთ ცივი წყალი და ეთერზეთი თქვენი საყვარელი სურნელით. თქვენ შეგიძლიათ გამოიყენოთ ისინი თავად ან გააკეთოთ ლამაზი საჩუქარი.
მზის დამწვრობისა და მწერების ნაკბენისთვის
წაისვით სახამებლისა და წყლის სქელი პასტა დაზიანებულ კანზე. გაშრობის შემდეგ ჩამოიბანეთ ადგილები გამდინარე წყლის ქვეშ.
ფანჯრებისთვის და სარკეებისთვის
ცხელ წყალს დაუმატეთ სახამებელი და ძმარი. შეასხურეთ ნარევი შუშის ზედაპირზე და გააპრიალეთ რბილი ქსოვილით.
წყარო:როგორ