2024 წლის 21 მარტს, ევრო 2024-ის პლეი-ოფის ნახევარფინალში, საქართველო ლუქსემბურგს დაუპირისპირდება. ესპანეთთან მიღებული ყვითელი ბარათის გამო, ნაკრების ლიდერი, ხვიჩა კვარაცხელია, აღნიშნულ შეხვედრას, დისკვალიფიკაციის გამო, გამოტოვებს.
აღნიშნულ საკითხთან დაკავშირებით, „მეტრონომი“ ვეტერან ფეხბურთელს, თბილისის „დინამოს“ ლეგენდას, მანუჩარ მაჩაიძეს ესაუბრა.
„კარგად ვერ გავიგე, ეს ამბავი როგორ მოხდა. თუ ფეხბურთელმა იცის, რომ ბარათი არ უნდა მიიღოს, ეს აუცილებლად უნდა გაითვალისწინოს. ამიტომ გარკვეული პასუხისმგებლობა თავად ფეხბურთელსაც აქვს. თვითონ არ იცის, გაფრთხილება რამდენჯერ მიიღო? ამდენი ფეხბურთი ვითამაშე და ცხოვრებაში ასეთ სასაცილო სიტუაციაში არ მოვმხდარვარ. ვიცოდით, რამდენი გაფრთხილება გვქონდა. ეს კურიოზია, ალბათ.
მაგრამ თუკი ფეხბურთელმა არ იცოდა, გადაყვებოდა თუ არა აქ მიღებული ბარათები ერთა ლიგის პლეი-ოფში, ეს უკვე ფედერაციის პასუხისმგებლობაა“, – განაცხადა მანუჩარ მაჩაიძემ „მეტრონომთან“ ინტერვიუში.