ცოტა ხნის წინ ცნობილი მსახიობი ლილი თავაძე გარდაიცვალა. სამწუხარო ინფორმაცია სოციალურ ქსელში ვრცელდება.
“უდიდეს მწუხარებას გამოვთქვამ ჭიათურის აკაკი წერეთლის სახელობის პროფესიული სახელმწიფო დრამატული თეატრის მსახიობის, რესპუბლიკის დამსახურებული არტისტის, ჭიათურის საპატიო მოქალაქის ლილი თავაძის გარდაცვალების გამო.
ქალბატონი ლილი თავისი ნიჭით, პროფესიონალიზმით, შესრულებული როლებით და გამორჩეული ადამიანური თვისებებით, ყველას ძალიან დაგვაკლდება. პირველ რიგში, დააკლდება თეატრს, რომელსაც თითქმის 60 წელი ემსახურა და სადაც100 -ზე მეტი როლი აქვს შესრულებული, რისთვისაც თეატრის წინ ოქტომბერში მისი სახელობის ვარსკვლავი გაიხსნა.
ვუსამძიმრებ ოჯახს, მეგობრებს, ახლობლებს, თეატრს და მთელ ჭიათურას”