წალენჯიხაში ძლიერმა ქარმა სახლებს სახურავები გადახადა.
ჭალეს ადმინისტრაციულ ერთეულში ძლიერმა ქარმა კერძო სახლებს და საცხოვრებელ კორპუსს სახურავი გადახადა, მოგლეჯილია ხეები.
სოფელ ჯვარში დაზიანებულია ელექტროგადამცემი ბოძები, რის გამოც მოსახლეობის ნაწილს ელექტროენერგია რამდენიმე საათის განმავლობაში არ მიეწოდება.
წალენჯიხის მერის წარმომადგენლების ინფორმაციით, მუნიციპალიტეტის მასშტაბით სალიკვიდაციო სამუშაოები დაწყებულია.