მთავარი არხის ვებ-გვერდის ინფორმაციით, ვაყის საჯარო სკოლაში სასწავლო პროცესი პარალიზებულია – საგანმანათლებლო დაწესებულებაში, რომელიც 4 სოფელს ემსახურება, მშობლებმა ბავშვების გაშვებაზე უარი თქვეს. პროსტესტის ამ ფორმას მათ მას შემდეგ მიმართეს, რაც ხელისუფლებისგან ვერ მიიღეს პასუხი კითხვაზე, როდის დაიწყება სკოლის ავარიული შენობის რეაბილიტაცია.
უკვე მეორე წელია ბავშვები განათლებას მეზობელი სოფელ გომის სკოლის შენობაში იღებენ, რომელიც არანაკლებ ავარიულია და მშობლების თქმით, მათი შვილებისთვის იქ სიარული საფრთხეს წარმოადგენს.