„ქართველი შეფ-მზარეული ვასო ბუგიანიშვილი, პარიზის კულინარიული კონკურსის
გამარჯვებული გახლდათ, მისი ნახელავი იყო 7-სართულიანი ტორტი, რომელიც ამშვენებდა საფრანგეთის პრეზიდენტის ინაუგურაციის მეჯლისს…
მან ააწყო ტორტი საქართველოს დამოუკიდებლობის აღსანიშნავი სუფრისთვის 1918 წელს. საბჭოთა პერიოდში ავიწროებდნენ, თუმცა, მისი კვალიფიკაცია დასჭირდათ და 1932 წელს კრემლში მიიწვიეს, სადაც საბჭოთა კავშირის დაარსების 10 წლის იუბილესთვის სუფრის მომზადებას გაუძღვა. შემდგომშიც ბევრჯერ გამოიძახეს კრემლში, მათ შორის მეორე მსოფლიო ომის დამთავრებისას, რა დროსაც, ბანკეტიც მან მოამზადა.
სტალინის გარდაცვალების შემდეგ, ვასო ბუგიანიშვილი კრემლში აღარ მიუწვევიათ. მისი ოჯახი, ონში, მოედანთან ცხოვრობდა.
ცოლად ჰყავდა არსენა ოძელაშვილის შვილიშვილი, ქეთევან ოძელაშვილი. ვასომ სახლში ვაკეში, დღევანდელი მცხეთის ქუჩაზე, ჯერ კიდევ მაშინ აიშენა, როცა იქ პურის ყანები იყო.“
ფოტო: ციფრული ფოტომატიანე
წყარო: ციფრული ფოტომატიანე/Besik Gamkrelidze
წყარო: epilogi.ge