“ქართული ოცნების” აქტივისტმა, ასიმ გულიევმა, “ნაციონალური მოძრაობის” აქტივისტს, ჰუმბათ ჯალილოვს ავტომობილიდან ცეცხლი გაუხსნა – ინფორმაციას “მთავარი არხი” ავრცელებს.
მარნეულის პოლიციაში გამოკითხვები მიმდინარეობს. სავარაუდო დამნაშავე დაკავებულია:
“ჩემი დეიდაშვილი ჰუმბათ ჯალილოვი გზის პირას ხილს ყიდდა რა დროსაც ასიმ გულიევი მიუახლოვდა და თოფიდან ესროლა. მეორე ტყვიას რომ დებდა ადგილზე მყოფებმა შეუშალეს ხელი. ჩემი დეიდაშვილი ფეხში დაიჭრა. ის მაშინვე კლინიკაში გადაიყვანეს და სამედიცინო დახმარების მიღების შემდეგ უკვე სახლში გაწერეს. ახლა კი პოლიციას დაკითხვაზე ყავს. დამნაშავეც უკვე დააკავეს. როგორც ვიცი თავდამსხმელს – ასიმ გულიევსა და ჩემს დეიდაშვილი 2020 წლის არჩევნების პერიოდში კონფლიქტი ჰქონდათ. გულიევი ქართულ ოცნებას ეხმარებოდა ჰუბათ ჯალილოვი კი ოპოზიციას და როგორც გავიგე დღევანდელი დაპირისპირებაც იმ კონფლიქტის გაგრძელება იყო” – ამბობს დაზარალებულის ნათესავი ილგარ ალიევი.
წყარო: “მთავარი არხი”