ზამთრის პერიოდში თუ მიწურულს, გაცივების შემდეგ, ფილტვების ანთების შემთხვევებიც არცთუ იშვიათია.
გთავაზობთ ერთ-ერთ ხალხურ საშუალებას ფილტვების ანთების შემდგომ სამკურნალოდ. უფრო სწორად, ამ საშუალებას რეაბილიტაციიის ეფექტი უფრო აქვს.
ორი კვერცხის გული ძალიან კარგად ავთქვიფოთ. ჩავასხათ ნახევარლიტრიან ქილაში ან ასეთივე ტევადობის ჭურჭელში. დავუმატოთ ერთი სუფრის კოვზი თაფლი, ამდენივე ღორის ქონი (ფერდის ქონი), ერთი სუფრის კოვზი კაკაო, 50 გრამი კარაქი და შემდეგ დავასხათ ანადუღები, ცხელი რძე. შევავსოთ ქილა და მოვურიოთ.
ეს მასა დავდგათ გრილ ადგილზე. მიღება კი დავიწყოთ დილაობით _ უზმოზე ერთი სუფრის კოვზი. საუზმე მიირთვით ნახევარი საათის შემდეგ. ათი დღის შემდეგ შეისვენეთ ერთი კვირით და კვლავ გაიმეორეთ აღნიშნული ნაერთის მიღება მომდევნო ათი დღის განმავლობაში.
კვლავ შევახსენებთ, რომ ეს არის ერთგვარი სარეაბილიტაციო საშუალება ფილტვების მდგომარეობის გასაუმჯობესებლად. ხელს უწყობს იმუნიტეტის ამაღლებასაც.
იგივე მასა ძალიან კარგი საშუალებაა ბრონქიალური ასთმის დროსაც _ აუმჯობესებს სასუნთქი გზების მდგომარეობას.
ანთებითი პროცესების გასაუვნებელსაყოფად მარტივი და საკმაოდ ეფექტური საშუალებაა, დაბალ ცეცხლზე მოთუშული ხახვის მიღება, განსაკუთრებით ზამთრის პერიოდში, ასევე ადრე გაზაფხულზეც. ხახვი ნელ ცეცხლზე ისე მოთუშეთ, რომ არ გაწითლდეს. შეგიძლიათ ოდნაც მარილი მოაპნიოთ. თუ მარტო ხახვს ვერ შეჭამთ, რაც არც ისე ცუდი მისართმევია, მცირე რაოდენობით მიაყოლეთ პური.
ასე მოშუშული ერთი თავი, საშუალო ზომის ხახვი შეგიძლიათ ორ დღეში ერთხელ მიირთვათ, ერთი თვის მანძილზე. ის არის ყველაზე მარტივი, ადვილად ხელმისაწვდომი და რაც მთავარია, შედეგზე ორიენტირებული საშუალება ანთებითი პროცესების გასაქრობად, ფილტვების გასასუფთავებლად.