ნინო რამიშვილი საქმეში მკაცრი და უკომპრომისო, საოცრად მომთხოვნი, არ ცნობდა შიმშილს, უძილობას, დაღლას, დაგვიანების მიზეზებს.
ძალიან ძლიერი, დამუხტული, ენერგიული ქალი იყო. ღრმა სიბერეშიც კი ისეთი ელეგანტური იყო, თვალს ვერ მოსწყვეტდი.
ამბობდა, რომ დიდ საქმეში მხოლოდ შრომა და ფანატიზმამდე მისული სიყვარული იმარჯვებს. ყველას მეგობარი იყო, ფარივით ედგა ანსამბლს. 
ამჯერად ნინო რამიშვილის შვილიშვილი ნინო სუხიშვილი ნანუკა ჟორჟოლიანის გადაცემას ესტუმრა, სადაც ლეგენდარული ბებია გაიხსენა:
„ის არასდროს ჩერდებოდა. ერთი დღეც არ დაუსვენია. 90 წლის ხდებოდა ბებია, როდესაც მითხრა – „წარმოდგენა არ გაქვს, რა ცოტა ყოფილა 90 წელი”. ამბობდა, ალბათ რა მოსაწყენია ცხოვრება მათთვის, ვინც არ ცეკვავსო. 60 წლამდე ცეკვავდა და ამბობდა, არასოდეს მითქვამს, რომ ბოლო კონცერტს ვცეკვავო”- იხსენებს ნინო სუხიშვილი.