29 ოქტომბერს, 00:24 კუროს მეექვსე გრადუსში ველოდებით მთვარის დაბნელებას და სავსემთვარეობას. კურო-მორიელის ღერძზე ეს არის ბოლო დაბნელება. დაბნელებები ამ ღერძზე 2031 წლამდე აღარ გვექნება. ამიტომ, მთვარის დაბნელება, რომელიც 29-ში მოხდება, ძალიან მნიშვნელოვანია, ეს არის დასრულების, შედეგის მიღების დრო. გაიხსენეთ რა ხდებოდა 2021 წლის 19 ნოემბრიდან, რა დაიწყეთ ამ პერიოდში, სწორედ ამ დღეს დაიწყო კურო-მორიელის ღერძზე დაბნელებები.
ვერძი
ფოკუსირება მოახდინე თქვენს ფინანსურ მდგომარეობაზე. სად მიდის ფული ყველაზე მეტად? რა არის შემოსავლის ყველაზე დიდი წყარო? ჩამოწერეთ შემოსავალ-გასავალი. მოსალოდნელია მოგება ახალი საქმიანობიდან, სესხის დახურვა ან ძველი ვალის დაფარვა. შესაფერისი დროა სულიერი განვითარებისა და ცოდნის მისაღებად. გაანალიზეთ თქვენი ურთიერთობა ადამიანებთან, რამდენად თბილად ან პირიქით, მკაცრად ურთიერთობთ მათთან?
კურო
საკუთარ თავზე იზრუნეთ, საკუთარ საქმეებზე. მიხვდებით, რომ საკმარისია სხვა ადამიანებზე ზრუნვა, სხვების მოვლა და დახმარება. ახლობლების მიმართ გამოიჩინეთ დელიკატურობა. მათ გამო პირად საქმეებს ნუ გაიფუჭებთ. ლიდერობის უნარები მომავალშიც გამოგადგებათ, მაგრამ ახლა ჩაატარეთ რეპეტიცია ამ თემაში.
ტყუპი
ის ამოცანები, რომლებიც ხშირად გადაიდო “ხვალამდე”, სასწრაფოდ უნდა მოგვარდეს. შესაძლებელია შეხვდეთ ადამიანებს, რომლებსაც წარსულში დაშორდით. თუ ადრე თქვენთვის რამე დაფარული, საიდუმლო იყო, ახლა ყველაფერი გამჭვირვალე გახდება.
კირჩხიბი
უმჯობესია იყოთ ემოციურად თავშეკავებული. ნუ ჩხუბობთ საყვარელ ადამიანებთან. ნუ გამოიჩენთ უკმაყოფილებას იქ, სადაც შეგიძლიათ დამალოთ თქვენი ნეგატიური დამოკიდებულება პიროვნების ან სიტუაციის მიმართ. არ არის გამორიცხული მნიშვნელოვან შეხვედრაზე, წვეულება დაგვიანება ან მისი ჩაშლა.
ლომი
თქვენს ცხოვრების მნიშვნელოვანი მოვლენები მოხდება. შემოგთავაზებენ ახალ სამსახურს, რომელსაც არ ელოდით. ან იქნება გრძელვადიანი პროექტები, რომლებზეც სერიოზული მუშაობა მოგიწევთ.
ქალწული
გადახედეთ ადრე მიღებულ ზოგიერთ გადაწყვეტილებას; შეიძლება შეგეცვალოთ რწმენა რაღაცის მიმართ. იზრდება შორიდან მნიშვნელოვანი ამბების თუ დოკუმენტების მიღების ალბათობა. შეიძლება დაგეძაბოთ ურთიერთობა სხვა ქვეყნის, კულტურის ადამიანთან. იყავით ყურადღებიანი და ფრთხილად, მნიშვნელოვან იურიდიულ დოკუმენტებზე ხელის მოწერისას.
სასწორი
გააკეთეთ ყველაფერი, რომ არ დაირღვიოთ ემოციური კომფორტი. იმოქმედეთ მშვიდად. დაფარეთ ვალები, გადაიხადეთ გადასახადები. ფინანსური მოგებაც გელით. შეყვარებულების ურთიერთობა სხვა ეტაპზე გადავა.
მორიელი :
რთულ სიტუაციებში წარმოუდგენელ გამძლეობას გამოიჩენთ. პარტნიორთან და კოლეგებთან ურთიერთობა უფრო გულწრფელი გახდება, მაგრამ მხოლოდ თქვენი მხრიდან. მოხდება ღირებულებების გადახედვა, პრიორიტეტების დასახვა. კიდევ უფრო დაუახლოვდებით ვინმეს, ხოლო ვიღაცასთან მოგიწევთ დამშვიდობება.
მშვილდოსანი
მოგინდებათ ყველაფერში – სამსახური, ურთიერთობები – სრულყოფილება. ემოციური ფონი არასტაბილურია, მატულობს წუხილი და უმიზეზო ნერვიულობა. თუმცა, ცხოვრებისეულ პრობლემებს წარმატებით მოაგვარებთ.
თხის რქა
დაფიქრდით, კმაყოფილი ხართ ცხოვრებაში ყველაფრით? რა გაკლიათ? ზოგადად, სარისკო და თავგადასავლების პერიოდია, მოერიდეთ აზარტულ თამაშებს; ინტიმურ ურთიერთობას უცნობთან. დაწყვილებულების კავშირი ძლიერი და ჰარმონიული გახდება.
მერწყული
ბევრს მიაღწევთ, როგორც საჯარო სფეროში, ასევე კარიერაში. გაუზიარეთ ცოდნა და გამოცდილება ახალგაზრდებს. აქტიურად ჩაერთეთ საოჯახო და საყოფაცხოვრებო საქმეებში; განსაკუთრებით თუ გეგმავთ რემონტს. პირველ ადგილზე დააყენეთ ოჯახის წევრები და საყვარელი ადამიანი.
თევზები
მეგობრებთან და ზოგიერთ ნათესავთან ურთიერთობა შეიცვლება. არ არის გამორიცხული ვინმეთან მოგიწიოთ განშორებამ. მოსალოდნელია რემონტი ან კომფორტის შექმნა სახლში. მოუფრთხილდით კომპიუტერულ ტექნიკას. ხანგრძლივი კონფლიქტის შემდეგ საბოლოოდ დაამყარებთ მშვიდობას საყვარელ ადამიანთან.