სკანდინავიური დიეტა საბავშვო დიეტოლოგმა და ბიოტექნიკური კომპანიის დირექტორმა, სიუზი ვენგელმა შექმნა.
მისი მეთოდის მიხედვით, თითოეული კვება 4 სახის პროდუქტისაგან უნდა შედგებოდეს. (საკვები დაახლოებით მუშტის ზომა), 1 პორცია ცილა, 1პორცია ნახშირწყალი, 2 სხვადასხვა სახის ბოსტნეული და ცხიმი.
კენკრითა და ბოსტნეულით მდიდარი მენიუ მხოლოდ ჯანმრთელობისთვის კი არ არის კარგი, არამედ ადრეული ასაკიდანვე ხელს უწყობს კარგი კვებითი ჩვევების ჩამოყალიბებას.
შვედეთისა და შეერთებული შტატების მეცნიერებმა 250 ბავშვზე ჩატარებული დაკვირვების შედეგები პედიატრიული გასტროენტეროლოგიის, ჰეპატოლოგიისა და კვების ევროპის საზოგადოების მიმდინარე ყოველწლიურ კონფერენციაზე წარმომადგინეს.
მათი კვლევის თანახმად, 4-დან ექვს თვემდე ბავშვების ნახევარი სკანდინავიური სტილის დამატებით კვებას იღებდა და შემდეგაც ამ გზით კვებას განაგრძობდა. ბავშვების მეორე ნახევარი ტრადიციულ საკვებს იღებდა.
შედეგად, წელიწადნახევრის ასაკში, “სკანდინავიური” ჯგუფის ბავშვებმა თითქმის 50% -ით მეტი ბოსტნეული და ხილი მიირთვეს, ვიდრე საკონტროლო ჯგუფის ბავშვებმა და ამას მონდომებით და სიამოვნებით აკეთებდნენ.
სკანდინავიურ დიეტაზე მყოფი ბავშვები მიირთმევდნენ უამრავ ადგილობრივ, სეზონურ ხილს, კენკრას, ბოჭკოებით მდიდარ ბოსტნეულს, როგორიცაა ჭარხალი, სტაფილო, ოხრახუში, კომბოსტო, ბროკოლი და ყვავილოვანი კომბოსტო. მათი მენიუ მოიცავდა ასევე თევზს, კვერცხს, მარცვლეულს და ზეითუნის ზეთს, ხოლო ტკბილეულის, რძის პროდუქტების, ხორცისა და დამუშავებული ხორცის მოხმარება შეზღუდული იყო.
რაც მთავარია, ეს პროდუქტი მათი საყვარელი საკვები გახდა.