პოლიციამ აჭარაში ნარკოდანაშაულის ბრალდებით სამი უცხო ქვეყნის მოქალაქე დააკავა. განცხადებას შინაგან საქმეთა სამინისტრო ავრცელებს. მათი თქმით, დიდი ოდენობით ნარჯოტიკული და ფსიქტოტროპული ნივთიერებების უკანონო შეძენა-შენახვის ბრალდებით დაკავებულია თურქეთის რესპუბლიკის სამი მოქალაქე, 1997 წელს დაბადებული ა.თ., 2003 წელს დაბადებული ე.ჩ. და 2000 წელს დაბადებული დ.ი.
“შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, დიდი და განსაკუთრებით დიდი ოდენობით ნარკოტიკული საშუალებისა და ფსიქოტროპული ნივთიერების უკანონო შეძენა-შენახვის ბრალდებით თურქეთის რესპუბლიკის მოქალაქეები: 1997 წელს დაბადებული ა.თ., 2003 წელს დაბადებული ე.ჩ. და 2000 წელს დაბადებული დ.ი. დააკავეს.
დანაშაული 20 წლამდე ან უვადო თავისუფლების აღკვეთას ითვალისწინებს.
სამართალდამცველებმა ჩატარებული საგამოძიებო მოქმედებების, მათ შორის ბრალდებულების პირადი ჩხრეკის შედეგად, ნივთმტკიცებად ამოიღეს განსაკუთრებით დიდი ოდენობით ნარკოტიკული საშუალება „კოკაინი” და ფსიქოტროპული ნივთიერება „პრეგაბალინი“.
პოლიციის მიერ, ასევე, ამოღებულია მცირე ზომის ელექტრო სასწორი” – ნათქვამია შსს-ის განცახდებაში.
გამოძიება საქართველოს სისხლის სამართლის კოდექსის 260-ე და 261-ე მუხლებით მიმდინარეობს.