ტელეწამყვანი ნანუკა ჟორჟოლიანი რამდენიმე დღის წინ უკრაინიდან დაბრუნდა. ის კიევში იმყოფებოდა, სადაც მისი მეგობრები მოინახულა.
ნანუკა ჟორჟოლიანმა ინსტაგრამ სთორიში მიხეილ სააკაშვილის ფოტო გამოაქვეყნა, რის შემდეგაც გაჩნდა ვარაუდი, რომ ის უკრაინაში საქართველოს ყოფილ პრეზიდენტს შეხვდა.
დეტალების გასარკვევად “პრაიმამბები” ტელეწამყვანს დაუკავშირდა.
– კიევში ჩემს მეგობრებთან ვიყავი ჩასული, რომლებიც უკრაინაში გადავიდნენ საცხოვრებლად და სწორედ იქ ვნახე მიშა, როგორც ჩემი ერთ-ერთი მეგობარი.
წინასწარ ვუთხარი, უკრაინაში რომ ვაპირებდი გამგზავრებას და ზუსტად იმ დროს დავამთხვიე, როცა თავადაც ჰქონდა თავისუფალი დრო. მასთან ვიყავი სახლში სხვა ქართველებთან ერთად.
ტრადიციულად გვიმასპინძლა, ძალიან სასიამოვნო საღამო იყო, სადაც ვისაუბრეთ პოლიტიკაზეც.