საქართველო ბოლონიის პროცესის ნაწილია, რომელიც თორმეტწლიან ზოგად განათლებას ითვალისწინებს. ამის შესახებ განათლებისა და მეცნიერების სამინისტრომ არაერთხელ გააკეთა განმარტება, თუმცა პერიოდულად კვლავ ვრცელდება ინფორმაცია, რომ მე-12 კლასის გაუქმება იგეგმება.
ასევე, ისიც, რომ დაგეგმილია დიფერენცირებულ სწავლებაზე გადასვლა. რამდენიმე მშობელმა მოგვმართა და გვითხრა, რომ სკოლებში ამ თემაზე საუბრობენ და ამბობენ, რომ გარკვეული პერიოდის განმავლობაში მე-12 კლასი საერთოდ მოიხსნება და თითქოს ამაზე მუშაობა უკვე დაწყებულია. ინფორმაციის გადასამოწმებლად განათლებისა და მეცნიერების სამინისტროს მივმართეთ, სადაც განგვიცხადეს:
“ჯერჯერობით, აღნიშნულ საკითხთან დაკავშირებით რაიმე ტიპის განხილვა არ მიმდინარეობს და არც ცვლილება იგეგმება. როგორც იცით, განათლებისა და მეცნიერების სამინისტრო ნებისმიერი სიახლის შესახებ წინასწარ აქვეყნებს ინფორმაციას. შესაბამისად, გავრცელებული ინფორმაცია სიმართლეს არ შეესაბამება”, – გვითხრეს სამინისტროში.
აღსანიშნავია, რომ საქართველო 12-წლიან სწავლებაზე 2008 წლიდან გადავიდა. განათლებისა და მეცნიერების სამინისტროს ვებგვერდზე აღნიშნულთან დაკავშირებით შემდეგი განმარტებაა: განაგრძეთ კითხვა
წყარო: Allnews
