„შეკრებისა და მანიფესტაციების შესახებ“ კანონში შესატან ცვლილებებს დღეს პარლამენტმა პირველი მოსმენით მხარი დაუჭირა. რადიო „ფორტუნას“ პირდაპირ ეთერში ოპოზიციონერმა დეპუტატმა თაკო ჩარკვიანმა კანონში შესატან ცვლილებებზე ისაუბრა და თქვა, რომ ხელისუფლებას პრეზიდენტის იმპიჩმენტით სწორედ ამ კანონპროექტის გადაფარვა უნდა.
„სწორი ვყოფილვარ როცა მითქვამს, რომ კარვები თავისი ატრიბუტიკით ანუ ლეიბებით უნდა დავყაროთ რუსთაველზე. ჩემს ნათქვამს 2 წლის შემდეგ დაუპირისპირეს კანონის მიღება.
ეშინიათ კარვების და ლეიბების“ – განაცხადა თაკო ჩარკვიანმა.
„თუ შენ ამბობ, რომ რუსეთზე მომუშავე ხელისუფლება გყავს, მაშინ ამას სერიოზულად უნდა მიუდგე და კარავიც უნდა დადგა და ლეიბიც.
ვარშავაში დრამატულ თეატრთან ისე დაყარა იქაურმა ინტელიგენციამ და ახალგაზრდობამ ლეიბები არავის არ უღლიცინია.
ჩვენთან თუ გვერდი არ გინდა გაგიცივდეს ოპოზიციონერი როცა ხარ, ასე არ გამოვა.
კარავიც გვჭირდება, მიკროფონიც და ლეიბიც“– განაცხადა თაკო ჩარკვიანმა გადაცემაში „დღის თემა“.
ცნობისთვის, პარლამენტის ვიცე-სპიკერმა არჩილ თალაკვაძემ თაჯი ჩარკვიანს მიმართა: მინდა თამარ ჩარკვიანი დავამშვიდო, ქალბატონო თამარ, თქვენ რაც დააანონსეთ, ეს იყო ლეიბების რევოლუცია და მინდა დაგამშვიდოთ, რომ ამ კანონში ლეიბებთან დაკავშირებით არავითარი შეზღუდვები არ არის დაგეგმილი.