დროის გარკვეულ მონაკვეთებში, შესაძლოა, დედაქალაქში დიდი გაბარიტების ავტომობილების გადაადგილება აიკრძალოს – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა.
“თბილისის მუნიციპალიტეტის ადმინისტრაციულ საზღვრებში საერთო სარგებლობის საავტომობილო გზებზე აიკრძალოს M3, N2 და N3 კატეგორიების სატრანსპორტო საშუალებები მოძრაობა 08:00-დან 11:00 საათებში და საღამოს 17:00-დან 20:00 საათამდე შუალედში, რომ შეიზღუდოს ამ დიდი გაბარიტების ავტომობილების გადაადგილება კონკრეტული გზის მონაკვეთებში, კონკრეტული რაიონებში, რაც ჩვენ მოგვცემს შესაძლებლობას, ნაწილობრივ განიტვირთოს საცობი. ხშირია შემთხვევები, როცა ხდება დიდი ავტომობილების დაზიანება, რაც დიდ პრობლემას წარმოადგენს დედაქალაქში. ხდება სწორი დამენეჯმენტება და გადანაწილება საათების მიხედვით, რომელმა სექტორმა, რომელ საათში უნდა იმოძრაოს, რომ ყველამ ერთად, ერთდოულად არ მოიყაროს თავი. 09:00 საათზე იწყება სკოლები სამსახურები და გვინდა, დროის ეს მონაკვეთი შეზღუდული იყოს, რათა მეტნაკლებად შესაძლებელი იყოს გადაადგილება. საგულისხმოა, რომ ეს შეზღუდვა არ იმოქმედებს შაბათ-კვირას. ასევე არ იმოქმედოს აგვისტოს თვეში, როცა ქალაქი მეტ-ნაკლებად დაცლილია“ – განაცხადა კახა კალაძემ.