სეისმოლოგი თეა გოდოლაძე სოციალური ქსელით „იმედის“ ჟურნალისტის, საბა ხვიჩიას სიუჟეტს გამოეხმაურა.
„ზღაპრების რომ არ დაიჯეროთ, ციფრებს ენდეთ. მაგნიტუდა 2 მიწისძვრა 56 კგ საფეთქი მასალის აფეთქების ტოლფასია. 1800 კგ მაგნიტუდა 3-ის. მაგნიტუდა 2-ს ვერ გრძნობს ადამიანი. რაღაც სისულელე რომ შეთხზა გუშინ საბა ხვიჩიამ, ნეტა ეს სისულელე ან ვინ უთხრა, ან ციფრები საიდან მოიტანა 🙂 შედარებით საგრძნობი მიწის რხევა რომ გამოიწვიო 2 მილიონი კგ უნდა ააფეთქო. ფანტაზიორობას შეეშვით თუ ღმერთი გწამთ რა ❤️ მაინტერესებს რიკოთზე რამდენ კილოგრამს აფეთქებენ სახლები რომ ენგრევა ხალხს. რომ არ კონტროლდება ვიცი. მოსახლეობამ მოითხოვა და არ მიგვიშვეს!“, – წერს ის.
შეგახსენებთ, გასულ დღეებში გოდოლაძე და ხვიჩია ერთმანეთს დაუპირისპირდნენ. გოდოლაძე აცხადებდა, რომ ხვიჩიამ მისგან ინტერვიუ აიღო და ყველაფერი დაიწყო აქედან. საბა ხვიჩია აანონსებდა, რომ „იმედის“ სიუჟეტში მაყურებელი ნახავდა, როგორ ცდილობდა გოდოლაძე მიწისძვრის პროვოცირებას უცხოელ პარტნიორებთან ერთად.