სამსახურიდან დაბრუნების შემდეგ გაზქურასთან დგომის თავი დიასახლისების უმეტესობას არა აქვს. ოჯახის წევრები მშივრები რომ არ დარჩნენ, ჩვენ გასწავლით, როგორ უნდა მოამზადოთ კერძები სწრაფად.
მაკარონი სწრაფად მოიხარშება, თუ…
ყველამ იცის, რომ მაკარონი ქვაბში მას შემდეგ უნდა ჩაიყაროს, რაც წყალი ადუღდება, თუმცა, ალტერნატიული ვარიანტიც არსებობს. მაღალგვერდიან ტაფაში ცივი წყალი ჩაასხით, მაკარონი ჩაყარეთ და მოხარშეთ. პროფესიონალი მზარეულები ამბობენ, პასტა სწრაფად მოიხარშებაო.
ჩაალბეთ პარკოსნები და ბურღულეული
მომზადებამდე რამდენიმე საათით ადრე (უმჯობესია, მთელი ღამით) ჩაალბეთ ბრინჯი, წიწიბურა, ოსპი, ლობიო და ა.შ. ისინი სწრაფად მოიხარშება.
დარჩა? გაყინეთ
თუ ბევრი ბრინჯი მოხარშეთ, პლასტიკატის კონტეინერში ან პაკეტში მოათავსეთ და გაყინეთ.
გაყინეთ ხილი და ბოსტნეული
წვნიანის მომზადებისას თუ ბევრი ბოსტნეული ან მწვანილი დაჭერით, ისინიც ბრინჯის მსგავსად შეგიძლიათ შემდეგ გამოყენებამდე გაყინოთ.
დაჭრილი ბანანი რომ არ გაგიშავდეთ ისიც გაყინეთ. შემდეგ კი სმუზებსა და კოქტეილებში გამოიყენებთ.
ნიორი ბოლოში
გარჩეული ნიორი სადილს ბოლოში დაუმატეთ. საქმე იმაშია, რომ შეწვის დროს ნიორი სწრაფად მუქდება, უარესად მწარდება და სადილს უსიამოვნო გემოს სძენს.
ხორცი რკინის ჯამში გაალღვეთ
გაყინულ ქათამს ან ხორცს გასალღობად მიკროტალღურ ღუმელში ნუ ჩადებთ. უმჯობესია, უჟანგავი ფოლადის ჯამში ჩადოთ. ასე უფრო სწრაფად გალღვება.
აირჩიეთ ახალგაზრდა ჯანჯაფილი
მისი გარჩევა აღარ მოგიწევთ და მთლიანად ჩახეხავთ.
წიწაკა გაყინეთ
თუ მწარეა და მას მთლიანად ვერ ჩააგდებთ სადილში, გაყინეთ და შემდეგ ჯერზე გამოიყენებთ. ასევე შეგიძლიათ გაყინოთ დარჩეული ნიორიც.
არ გათალოთ, გარეცხეთ
სტაფილო, ჭარხალი და კარტოფილი შეგიძლიათ არ გათალოთ, წყლის ქვეშ, ჯაგრისით კარგად გარეცხოთ და გახეხოთ. ასე უფრო შეუნარჩუნებთ ვიტამინებს.
თუ კვერცხის გულისა და ცილის დაშორება გსურთ…
გატეხილი კვერცხი თეფშზე მოათავსეთ. აიღეთ ბოთლი, ცოტა მოუჭირეთ, მიიტანეთ კვერცხის გულთან და როცა ხელს გაუშვებთ, ბოთლი გულს შეისრუტავს, ცილა კი თეფზე დარჩება.
წყარო:მარაო