„ერთიანი ნაციონალური მოძრაობის” პოლიტიკური საბჭოს თავმჯდომარის მოადგილე, თათია ნიკოლაიშვილი სოციალურ ქსელში ახალ პოსტს აქვეყნებს.
ის ნატანების საჯარო სკოლაში, ჭერის ჩამონგრევის შედეგად დაშავებული დამლაგებლის ჯანმრთელობის მდგომარეობას ეხება.
„ნატანების საჯარო სკოლაში ჭერი ჩამოინგრა. დაეცა დამლაგებელს, რომელიც სასწრაფო დახმარების მანქანამ გადაიყვანა საკმაოდ მძიმე მდგომარეობით და კიდევ ერთ მშობელს. ამ დროს სასწავლო პროცესი მიმდინარეობდა და აქ ორი სოფლის ბავშვები დადიან.
ავთანდილ თალაკვაძე / Avtandil Talakvadze სიცოცხლის და ჯანმრთელობის საფრთხის ქვეშ რომ გყავთ ბავშვები თქვენს მუნიციპალიტეტში, რა გერეკლამებათ? რა გემანქანებათ და საერთოდ ამხელა პასუხისმგებლობას როგორ იღებთ საკუთარ თავზე ❓️❗️ თქვენი მაჟორიტარი დეპუტატი ცოცხალია საერთოდ ❓️❗️“, – აღნიშნულია პოსტში.