პოლონეთში, საქართველოს 5 მოქალაქე დააკავეს. მათ ქვეყანაში არალეგალურად ცხოვრებას ედავებიან. ადგილობრივი მედიის ცნობით, 24-დან 51 წლამდე კაცებს პასპორტები ჰქონდათ და, როგორც თავად განაცხადეს, პოლონეთში სამუშაოდ ჩავიდნენ.
„დაკავებულებიდან სამი ქართველი მუშაობდა თბოელექტროსადგურში, მაგრამ მათი ყოფნის ნებადართული ვადა, რომელიც მათ უვიზოდ ჰქონდათ, ამოიწურა – უცხოელებმა არ უზრუნველყოფდნენ ამის მოგვარებას შესაბამისი განცხადების შეტანით“, – აცხადებენ სასაზღვრო დაცვის პოლიციაში.
დანარჩენმა ორმა ქართველმა კი, პოლონეთში ყოფნის მიზანი და პირობები დაარღვია.
„მიუხედავად იმისა, რომ მათ ჰქონდათ ვიზა, რომლითაც ისინი მუშაობდნენ ჩვენს ქვეყანაში, საზღვრის გადაკვეთის შემდეგ ისინი არ გამოცხადდნენ მითითებულ დამსაქმებელთან. შემოწმების დროს კაცები არ მუშაობდნენ და არ გააჩნდათ საკმარისი ფინანსური რესურსები პოლონეთის რესპუბლიკის ტერიტორიაზე ყოფნის ან უკან დაბრუნების ხარჯების დასაფარად“, – აცხადებენ მესაზღვრეები.
ხუთივე პირის მიმართ აღიძრა ადმინისტრაციული წარმოება დაბრუნების ვალდებულებასთან დაკავშირებით, ასევე, პოლონეთსა და შენგენის სხვა ქვეყნებში შესვლის აკრძალვით 6 თვით ან ერთი წლით.
წყარო: tv25.ge