ხულოში, სოფელ ბაკოში ხის სახლი და ბოსელი დაიწვა. სახლში რვასულიანი ოჯახი ცხოვრობდა. აღნიშნულ ინფორმაციას “ბათუმელები” ავრცელებს.
როგორც ცნობილია, ხანძრის შედეგად არავინ დაშავებულა.
სახლი გუშინ, 9 სექტემბერს საღამოს დაიწვა.
სოფელ თხილვანაში ხულოს მერის რწმუნებულის, მამუკა ქამაშიძის თქმით, ოჯახი ქირით გაიყვანეს, ზარალის დათვლის შემდეგ კი, დაზარალებულ ოჯახს ხულოს მერია 20 ათას ლარს გადასცემს.