„ნაციონალური მოძრაობის“ ლანჩხუთის საკრებულოს დეპუტატი, გივი ცინცაძე, 24 აგვისტოს სოციალურ ქსელში წერდა, რომ სოფელ ლესაში მდინარის კალაპოტი დააპატარავეს, რათა იქ გზა გაეყვანათ და მთავრობასთან დაკავშირებულ ბიზნესმენს ფული ეშოვა.
ეს პოსტი კიდევ უფრო აქტუალური გახდა დღეს, მას შემდეგ, რაც გუშინ გურიაში მოსულმა უხვმა, ლანჩხუთისა და ოზურგეთის მუნიციპალიტეტების სოფლებში, ნალექმა სტიქია გამოიწვა. მას 2 ადამიანი ემსხვერპლა, ერთ დაკარგულს კი ამ დრომდე ეძებენ.
ერთ-ერთი სტიქიური ზონა ლესაა.
წარმოგიდგენთ გივი ცინცაძის პოსტს, რომელიც 24 აგვისტოთი თარიღდება:
„ლანჩხუთი, სოფ:ლესა სადაც მდინარეში გაიყვანეს გზა (დაპაატარავეს მდინარის კალაპოტი) იმიტო, რომ “რუსულ ოცნებასთან” დაახლოებულმა ბიზნესმენმა იშოვოს მილიონები, ჩვენი ულამაზესი ბუნების განადგურების ხარჯზე
გარემოს დაცვისა და სოფლის მეურნეობის სამინისტრო, ვინ გასცა მდინარეში 5კმ გზის გაყვანის უფლება⁉️
სადაც, უხვი ნალექის დროს მოსახლეობას ემუქრება საფრთხე
ვერაფერი ისწავლეთ ქოცებო ვერეს და შოვის ტრაგედიებზე“, – წერდა ის.
