ტელეწამყვანი ეკა კვესიტაძე საქართველოს პრემიერ-მინისტრის, ირაკლი ღარიბაშვილის აშშ-ში ვიზიტს გამოეხმაურა.
„პენსილვანიის უნივერსიტეტმა უნდა გაიგოს, რომ ძალიან ღარიბი ქვეყნის პრემიერმა თავის სტუდენტს შვილს ჩარტერი უქირავა და ისე გააფრინა ამერიკაში. რა შეიძლება იყოს ამაზე უფრო გოიმური, მდაბიო, აღმაშფოთებელი და გულისამრევი საქციელი არა მხოლოდ პრემიერი მამისთვის, არამედ სტუდენტი შვილისთვის. ზუსტად ისევე უნდა აგოს პასუხი, როგორც მამამისმა. ასეთ ასაკში პროტესტის არქონა საკუთარი მამის უგვანი, კორუპირებული, დანაშაულებრივი ქცევის მიმართ სრულიად მეტყველებს სრულწლოვანი ადამიანის ღირებულებებზე! ფუი, მართლა!“, – წერს კვესიტაძე.
ღარიბაშვილის ამერიკაში მგზავრობის ხარჯების საკითხი აქტუალური „ტვ პირველმა“ გახადა. ჟურნალისტმა ნოდარ მელაძემ განაცხადა, რომ შაბათის გუნდმა მოიპოვა და შაბათს რვა საათზე ეთერში გავა გამოძიება – ირაკლი ღარიბაშვილის მიერ, კერძო ფრენებში ამერიკულ არდადეგებეში და დახურულ წვეულებებში დახარჯული დიდი ოდენობით თანხების შესახებ.
აღნიშნულ საკითხთან დაკავშირებით, განმარტება გააკეთა სტრატეგიული კომუნუკაციების დეპარტამენტმა.
შეგახსენებთ, ღარიბაშვილი ამერიკაში გასული თვის ბოლოს იმყოფებოდა. ღარიბაშვილისა და მისი მეუღლის, ნუნუკა თამაზაშვილის, ფოტოები მანჰეტენიდან მედიაში კულუარულად გავრცელდა.
ამასთან, ირაკლი ღარიბაშვილის შვილი პელსილვანიის უნივერსიტეტში იწყებს სწავლას.
