რომელი წყლის დალევაა უკეთესი ზაფხულში – მინერალურის თუ სასმელის?

ზაფხულში დიეტოლოგები და ექიმები გვირჩევენ დავივიწყოთ შაქრიანი სასმელები: წვენები, ბურახი და განსაკუთრებით ტკბილი გაზიანი სასმელები.
ისინი მხოლოდ აძლიერებენ წყურვილს გრძნობას. უმჯობესია ხელთ გქონდეთ ჩვეულებრივი წყლის ბოთლი. მაგრამ რა არის უფრო სასარგებლო, მინერალური წყალი თუ სასმელი წყალი?

რამდენად ხშირად უნდა დავლიოთ სიცხეში?

მაშინაც კი, თუ მოგეჩვენებათ, რომ სრულიად არ გწყურიათ, მაინც შეეცადეთ დალიოთ რამდენიმე ყლუპი სითხე ყოველ ნახევარ საათში. ზაფხულის დეჰიდრატაციის მთავარი მზაკვრობა ის არის, რომ ის სრულიად უხილავია: ჩვენ შემუჩნევლად ვკარგავთ წყალსა და ძვირფას ელექტროლიტებს. და იმ მომენტში, როდესაც საბოლოოდ ვგრძნობთ წყურვილს, სავარაუდოდ, წყლის დანაკარგი უკვე მნშვნელოვანია.

თუმცა, გულის კორონარული დაავადების მქონე ადამიანებს, კარდიოლოგები არ გვირჩევენ სიცხეში 800 მგ-ზე მეტი სითხის დალევას (მაგრამ მაინც მიმართეთ ექიმს!), გასაგრილებლად კი ურჩევენ პირის ღრუში გრილი წყლის გამოვლებას, გრილი შხაპის მიღებას.

რომელი წყალია უკეთესი, მინერალური თუ სასმელი?

რადგან სიცხეში ვკარგავთ არამარტო წყალს, არამედ ელექტროლიტებსაც, ლოგიკური იქნება წყურვილის მოკვლა მინერალური წყლით, რათა ორივეს დეფიციტი ერთდროულად შევავსოთ. მაგრამ ექიმები გვაფრთხილებენ: მინერალური წყალი, დანამატების მინიმალური შემცველობითაც კი, შეიძლება საშიში იყოს: მარილების სიჭარბემ დამატებით შეიძლება გამოიწვიოს წყლის კარგვა და მხოლოდ გაზარდოს დეჰიდრატაცია.

უმჯობესია სასმელი და მინერალური წყალი შევურიოთ.

გაზიანი თუ უგაზო?

თუ გსურთ წყურვილის სწრაფად მოკვლა – დალიეთ გაზიანი წყალი. 2016 წელს ჩატარებულმა კვლევამ დაადასტურა, რომ გაზიანი წყალი უფრო სწრაფად კლავს წყურვილის გრძნობას და უკეთ ინარჩუნებთ ტენიანობას ორგანიზმში. კვლევის მონაწილეები არ სვამდნენ სითხეს 12 საათის განმავლობაში, შემდეგ მათ შესთავაზეს გაზიანი ან უბრალო წყალი. მათ, ვინც გაზიანი წყალს ამჯობინებდა, უფრო ნაკლებად სწყუროდათ.

წყარო:მკურნალი