წონის დაკლების შემდეგ წონის მატებას აგვაცილებს ხარისხიანი ძილი და კვების რეჟიმის დაცვა.
ცნობილია, რომ წონის სწრაფი დაკლების შემდეგ, დაკარგული კილოგრამები სწრაფად ბრუნდება. ამ მხრივ განსაკუთრებით საშიშია მკაცრი შემზღუდველი დიეტები. თუ წონის დაკლების დროს დიეტის დღიური კალორიული შემცველობა 1200 კილოკალორიაზე ნაკლებია, ნორმალურ კვებაზე დაბრუნების შემდეგ წონის მომატება გარდაუვალია.
1200 კილოკალორია არის მინიმალური კალორიული შემცველობა. თუ დიეტის კალორიული შემცველობა ამაზე დაბალია, მეტაბოლური პროცესები შენელდება. ასეთი „მშიერი“ დიეტის დასრულების შემდეგ უჯრედის ენერგეტიკული მოთხოვნილებები ნელ-ნელა აღდგება და ზედმეტი კალორიები მაშინვე დაილექება ცხიმოვან ქსოვილში.
გარდა ამისა, წონის მკვეთრ კლებას, რომელიც ხდება მკაცრი მოკლევადიანი დიეტის დაცვისას, მოსდევს სიმსუქნის რეციდივი. გახდომისათვის ოპტიმალურია თვეში ორი კილოგრამი წონის კლება.
დაბალანსებული დიეტა ვიტამინებისა და მიკროელემენტების დეფიციტის კორექტირებით საშუალებას გაძლევთ შეამციროთ და შეინარჩუნოთ სხეულის წონა გრძელვადიან პერსპექტივაში. წონის დაკლების პროცესის დაჩქარების მიზნით კვირაში ერთხელ ან ორჯერ განტვირთვის დღეების სახით შესაძლებელია შეზღუდული დიეტა. ამ რეჟიმით დიეტა არ დააზარალებს ორგანიზმს და არ მოგცემთ წონაში მატებას.
ამავდროულად, დიეტის დასრულებისას მნიშვნელოვანია მარტივი წესების დაცვა. პირველ რიგში, უნდა დაიცვათ კვების რეჟიმი ადრეული საუზმით და ადრეული ვახშამით. გვიანი საუზმე სამეცნიერო ლიტერატურაში ასოცირდება დღის განმავლობაში ზედმეტი ჭამის რისკთან. გვიანი ვახშამი არღვევს ძილის ხარისხს, იწვევს შაქრის დონის მატებას ღამით და მეორე დილით.
კვების ჩვეულებრივ რეჟიმზე დაბრუნების შემდეგ, ადამიანის ყოველი კვება უნდა შეიცავდეს საკმარისი რაოდენობით ბოსტნეულს. ეს შეამცირებს მაღალკალორიული საკვების ულუფას, სისხლში გლუკოზის დონეს და შეინარჩუნებს ნაწლავის ჯანმრთელ მიკროფლორას.
მნიშვნელოვანია რეგულარული ფიზიკური დატვირთვა და ღამის ხარისხიანი ძილი დიეტის შედეგების შესანარჩუნებლად. ღამის სრულფასოვანი ძილი ასტიმულირებს ზრდის ჰორმონის გამომუშავებას, რომელიც პასუხისმგებელია ორგანიზმში ცხიმების წვაზე და ასევე ხელს უშლის ჭარბ კვებას, რასაც ხშირად იწვევს ძილის ნაკლებობა.
წყარო: „mkurnali.ge“ , ბლოგის ავტორი ლალი ჩხიკვაძე
