გორში მოქალაქე ტოტების მოჭრის გამო დააჯარიმეს

გორში, ჭანტურიას ქუჩაზე, გვიან ღამით მოქალაქემ, შესაბამისი ნებართვის გარეშე, თვითნებურად გადაჭრა ხე.

სამართალდამრღვევი საქართველოს კანონმდებლობის მიხედვით დაჯარიმდა 500 ლარით (ადმინისტრაციულ სამართალდარღვევათა კოდექსის 151-ე მუხლის 1-ლი ნაწილი).

აღნიშნული მუხლი გულისხმობს:

მუნიციპალიტეტის ადმინისტრაციულ საზღვრებში მწვანე ნარგავების დაზიანება ან/და თვითნებური განადგურება

1. მუნიციპალიტეტის ადმინისტრაციულ საზღვრებში არსებულ ტერიტორიაზე (გარდა კერძო საკუთრებაში არსებული ტერიტორიისა) მწვანე ნარგავების დაზიანება, თვითნებური მოჭრა, განადგურება −

გამოიწვევს დაჯარიმებას 500 ლარის ოდენობით, სამართალდარღვევის საგნის კონფისკაციით.

მოგმართავთ თხოვნით, გაუფრთხილდეთ მწვანე ნარგავებს. საკუთარ ქალაქზე ზრუნვა თითოეული ჩვენგანის პასუხისმგებლობაა.