საზოგადოებრივი მაუწყებლის სამეურვეო საბჭოს წევრი ბონდო მძინარაშვილი სოციალური ქსელით თბილისში, გუშინ მოსული უხვი ნალექის შედეგად შექმნილ საგანგაშო მდგომარეობას გამოეხმაურა.
„თბილისში წვიმა მოვიდაო!.. თბილისში წვიმის მოსვლა ვის გაუგონია?! თბილისში უნდა მოვიდეს… ხოხობი! მოვიდეს რა, – მოფრინდეს! უფრო სწორედ, აფრინდეს! ნუ აფრენთ! თბილისში კი არა, ლონდონში წვიმს! დაჟე! ახლა არ მითხრათ, ლონდონში ასე კი არ დგას წყალი ქუჩაშიო! ჯერ ერთი, დგას! და მეორეც, – ნუ დაყრით ქუჩაში ნაგავს და არ გაიჭედება სანიაღვრეები!“, – წერს ის.
შეგახსენებთ, გუშინ ძლიერი წვიმის შედეგად, დაიტბორა თბილისის ქუჩები, რამდენიმე მონაკვეთზე ჩამოიშალა გზის ნაწილი და სახლებში წყალი ჩავიდა.
