შოვის სტიქიისას დაკარგული ზაზა მესხის ყოფილი მეუღლე სინტა დეპონტი სოციალურ ქსელში ახალ ინფორმაციას ავრცელებს.
მისი თქმით, სტიქიის ზონაში მამაკაცის ცხედარია ნაპოვნი, რომელიც ძალიან დიდი ალბათობით, ზაზა მესხისაა.
„დღის ბოლოსკენ სიახლე შემოვიდა: მამაკაცის ცხედარია ნაპოვნი, რომელიც ძალიან დიდი ალბათობით ზაზა მესხისაა. დნმ-ანალიზები ტარდება და უახლოეს დღეებში 100% დარწმუნებით გვეცოდინება. ასევე ნაპოვნია ბიჭის ცხედარი, ანალიზს ველოდებით, რომ გავიგოთ, ვის ეკუთნის“, – წერს სინტა დეპონტი.
შეგახსენებთ, შოვში მეწყერი 3 აგვისტოს ჩამოწვა. ოფიციალური მონაცემებით, სტიქიის ზონაში 31 ცხედარია ნაპოვნი, 2 დაკარგულს კი ამ დრომდე ეძებენ. მესხი რაჭაში ოჯახთან ერთად იმყოფებოდა.