“ძალიან ცუდად მოვიქეცი… დამნაშავედ მივიჩნევ თავს” – რას წერს დომენიკ მანგო

აქტივისტი დომენიკ მანგო სოციალურ ქსელში ახალ პოსტს აქვეყნებს.

პოსტი ეხება ინტერნეტში გავრცელებული იმ ვიდეოს ერთ-ერთ მონაწილეს, რომელიც ტრანსპორტში მგზავრობისას, ქალბატონების კამათს ასახავდა.

ერთ-ერთი მათგანი მეორეს ჩაცმულობის გამო საყვედურობდა და შურაცხყოფას აყენებდა, რამაც საზოგადოებაში არაერთვაროვანი რეაქცია გამოიწვია.

„ძალიან ცუდად მოვიქეცი. ამ გაღვარცოფებულ ხალხთან ერთად მეც შევდექი ვიღაც ერთ ადამიანს, რომელსაც ვინ იცის რამხელა ტკივილი მივაყენე. კი, საშინლად ისმოდა ყურში ეს ბოზის ძახილი ვიღაც გოგოების მიმართ, მაგრამ დამნაშავედ მივიჩნევ თავს, რომ მეც ავყევი თქვენს ღრიანცელს. მართალია, მთელი 10 წელი ამ სხვის საცვლებში ჩაყუდებული ხალხის წინააღმდეგ ბრძოლას შევალიე, მაგრამ ჩემი საქციელი მაინც არ არის მართალი იმ ასაკოვან ქალთან მიმართებით, რომელიც საზოგადოებასთან ერთად მეც გავთელე და ვინ იცის რამხელა ტკივილის მიყენების თანამონაწილე გავხდი. ბოდიშს ვუხდი პირადად მას და ყველა ადამიანს ვამართლებ, რომლებმაც შემაფხიზლეს კომენტარებით. ნამდვილად არ გავდა ეს ჩემს თავს და ვგრძნობ სინდისის ქენჯნას ჩემი საქციელის გამო. ამას სხვაგვარად გამოვასწორებ. ჩემი გვერდიდან ყველა პოსტი წავშალე, რომელიც ამ ქალბატონის დაცინვის და დამცირების შინაარსს ატარებდა. საშინელებაა, როდესაც ბრბო ასე დაუნდობლად ჯიჯგნის ერთ ადამიანს და უარესად იქცევა, ვიდრე თავად ფაქტი იყო შემაწუხებელი. ვწუხვარ, რომ ბრბოს ნაწილი გავხდი და მძლია სოციუმმა, გამოვასწორებ“, – წერს მანგო.