ჟურნალისტმა ვახო სანაიამ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორს, თეა გოდოლაძეს სოლიდარობა გამოუცხადა.
„ხელისუფლებას ჰგონია, რომ გავანადგურებინებთ ადამიანს და ასე წყნარად მივადევნებთ თვალს.
მხოლოდ იმიტომ, რომ მისი აზრები აღიზიანებთ, სამაგიეროს ამ ფორმით უხდიან. ხომ ხედავთ, არავინ წამოეგო მაგ ანკესს, რადგან მიზეზიც და მიზანიც ყველასთვის გასაგებია.
არ დაგვიპირისპირდეთ, თორემ ყველას ასე მოგექცევით. იყავით ჩუმად – ესაა გზავნილი.
Tea Godoladze დარწმუნებული ვარ, ვერ მოგერევიან ანუ ვერ მოგვერევიან ყველას ერთად“, – წერს სანაია.
შეგახსენებთ, დღეს “კურიერმა” გაავრცელა ინფორმაცია, რომ დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორი, თეა გოდოლაძე ოჯახის წევრის მიმართ ძალადობაშია ბრალდებული.
აღნიშნული მედიის ცნობით, გოდოლაძეს 2 000-ლარიანი გირაო აქვს შეფარდებული.
თეა გოდოლაძის პასუხს გაეცანით ბმულზე.
