თბილისის სახელმწიფო უნივერსიტეტი, შოვში მომხდარი ტრაგედიისას დაღუპულ ადამიანებთან დაკავშირებით, სამძიმრის წერილს აქვეყნებს.
დაღუპულთაგან ერთ-ერთი, მარიამ მაისურაძე, თსუ-ის სტუდენტი იყო
„თბილისის სახელმწიფო უნივერსიტეტი მწუხარებას გამოთქვამს შოვში მომხდარი დიდი ტრაგედიის გამო და კიდევ ერთხელ უსამძიმრებს დაღუპულთა ოჯახებს, მეგობრებს, მთელ საქართველოს.
სტიქიური უბედურების შედეგად დაღუპულ, თბილისის სახელმწიფო უნივერსიტეტის სტუდენტს მარიამ მაისურაძეს დაკრძალავენ სამშაბათს, 22 აგვისტოს, ქ. რუსთავში“, – აღნიშნულია უნივერსიტეტის მიერ გავრცელებულ წერილში.