იოდი ორგანიზმისთვის უმნიშვნელოვანესი ელემენტია, რომლის ზედმეტი შემცველობა ან დეფიციტი სხეულის მასაზე, ფსიქიკურ ჯანმრთელობაზე, ტვინისა და სხვა ორგანოების ფუნქციაზე მოქმედებს.
ფარისებრი ჯირკვლის ჰორმონები 65%-ით იოდისგან შედგება. იოდის დეფიციტის დროს ფარისებრი ჯირკვალი ზომაში იზრდება. ამით ცდილობს კომპენსირებას და ამ ნივთიერების საჭირო რაოდენობით გამომუშავებას. ეს ხდება დაავადების გვიან სტადიაზე.
იოდის დეფიციტი
მნიშვნელოვანია, დროულად გამოვლინდეს იოდის შემცველობის დონე ორგანიზმში. ამის გაკეთება სახლის პირობებშიც არის შესაძლებელი.
საღამოს ბამბის ჩხირის მეშვეობით წაისვით მაჯაზე იოდის 3 ხაზი: წვრილი, ოდნავ დიდი და სქელი.
თუ დილით არცერთ ხაზს არ შენიშნავთ, აუცილებლად მიმართეთ ენდოკრინოლოგს და ჩაიტარეთ ზუსტი ანალიზები.
თუ ოდნავ დიდი ხაზი დარჩა, გადახედეთ თქვენს რაციონს. იოდის დღე-ღამის ნორმას 100 გრ ზღვის კომბოსტო შეიცავს. ასევე, იოდით მდიდარია ზღვის თევზი, კვერცხი, ფეიხოა და გარგრის ჩირი.
თუ მხოლოდ წვრილი ხაზი გაქრა, თქვენს ჯანმრთელობას საფრთხე არ ემუქრება.
იოდიზირებული მარილის მიღება ყველაზე მარტივი და ხელმისაწვდომი საშუალებაა ჰიპოთირეოზის პროფილაქტიკისთვის.
წყარო: marao.ge