ცნობილი კომპოზიტორი სოციალურ ქსელში მისი მეგობრის ისტორიის შესახებ წერს და საზოგადოებას დახმარებას სთხოვს:
„ჩემო ძვირფასო მეგობრებო, რამდენიმე დღის წინ ჩემი უმცროსი მეგობარი, არაჩვეულებრივი მსახიობი და პერსპექტივაში რეჟისორი, მართლაც სხვანაირი, ძალიან კარგი, მაღალი კულტურის მქონე ახალგაზრდა, ჩვენი დათო ავტოავარიის უნებური მსხვერპლი გახდა და ახლა ექიმები ყველაფერს აკეთებენ, რომ გადაარჩინონ. დაზიანებები საკმაოდ ბევრი და რთულია, არაერთი უსერიოზულესი ოპერაციის გადატანა მოუწევს, მეტწილად თავის და სახის არეში. მას, ცხოვრების ამ უმნიშვნელოვანეს ეტაპზე ძალიან ჭირდება ჩვენი თანადგომა და დახმარება, რადგან მის ოჯახს არ აქვს საშუალება დამოუკიდებლად უზრუნველყოს მკურნალობისთვის საჭირო ხარჯები. ამიტომ უმორჩილესად გთხოვთ გავერთიანდეთ და გადავარჩინოთ ახალგაზრდა ხელოვანი, რაც არაერთხელ გამოგვსვლია ჩვენი ურთიერთ სოლიდარობითა და სიკეთის კეთების იშვიათი უნარით.
