საქართველოში საზამთრო გასული წლის ანალოგიურ პერიოდთან შედარებით ორჯერ უფრო ძვირად იყიდება – 1 კილოგრამი პროდუქტი 0,70 ლარი ღირს. გასულ წელს კი მისი ღირებულება კილოგრამზე 0,30 ლარი იყო. ინფორმაციას აღნიშნულის შესახებ „ბიზნესპრესნიუსი” ავრცელებს.
როგორც წესი, ქართული საზამთროს 80% კახეთში მოდის. EastFruit-ის ინფორმაციით, წელს მიწოდების მოცულობა დაბალი იქნება, რადგან კახეთში ბევრი ფერმერი საზამთროდან ხორბლის მოყვანაზე გადავიდა. მიზეზი ფასებშია – შარშან ხორბლის ფასი საკმაოდ მაღალი იყო.
დიდი როლი ითამაშა საზამთროს იმპორტმაც – მიმდინარე წლის 5 თვეში ქვეყანამ 849,7 ათასი დოლარის ღირებულების 2 811 ტონა პროდუქტი შეიძინა, რაც 15 წლის განმავლობაში ყველაზე მაღალი მაჩვენებელია. (საგარეო ვაჭრობის პორტალზე საზამთროს იმპორტზე მონაცემები 2009 წლიდან არის ხელმისაწვდომი).