7 აგვისტოდან მოქალაქეების მიერ დაგროვილი საპენსიო დანაზოგის ინვესტირების წესი შეიცვალა.
დაგროვებითი პენსიის პროგრამის მონაწილეები თავად გადაწყვეტენ, 2019 წლიდან დღემდე დაგროვებული თანხა რა რისკის მატარებელ პორტფელებში დააბანდონ. მანამდე დანაზოგის დიდი ნაწილი ბანკების დეპოზიტებზე და სახელმწიფო ფასიან ქაღალდებში იყო განთავსებული. ახლა კი მოქალაქეების კუთვნილი თანხები, მათი სურვილის შემთხვევაში, სამი სახის პორტფელში გადანაწილდება. საუბარია მაღალ, საშუალო და დაბალრისკიან პორტფელებზე, რომლებიც რისკებთან ერთად დაგროვებითი საპენსიო სქემის მონაწილეებს გარკვეულ სარგებელსაც მოუტანს.