სოციალური ქსელის მომხმარებელი მისი ოჯახის შესახებ წერს, რომელიც რაჭაში მომხდარ სტიქიას ბეწვზე გადაურჩა. როგორც ის აღნიშნავს, მისი შვილი, რძალი და 4 წლის შვილიშვილი მეწყერში მოყვა და ადგილობრივებმა გადაარჩინეს:
“ჩემი შვილი, 4 წლის შვილიშვილი და რძალი დამიბრუნა ღმერთმა. იმ კოტეჯებში ცხოვრობდნენ, გარეთ იყვნენ როცა მთა წამოვიდა. ბავშვი ხელში ეჭირა ჩემ შვილს და რძალი წინიდან აწვებოდა, რომ არ წაქცეულიყვნენ. მერე ვერ მოერივნენ დარტყმას და წააქცია მეწყერმა, ძლივს ეჭირა ცოლ-შვილი, რომ მეწყერს არ წაეღო. მერე ბეჭებზე შეისვა შვილი და ოთხზე ხოხვით გამოიყვანა, შიგ მეწყერში იდგნენ, ვერსად მივდიოდითო, ტყის შემოვლით რაჭველი ბიჭები მისულან, გაუდიათ ფიცრები და ისე გადმოუყვანიათ, ღმერთმა დალოცოს ყველა.
ვერტმფრენი ძალიან გვიან მივიდა, დრონით იპოვეს ჩემები და გამოიყვანეს. მეზობლები ხეზე ასულან, ხიანად მოუგლეჯია და წაუღია, ღმერთო რა გადაიტანეს ვერც ვხსნი მადლობა ღმერთს, რომ უკვე სახლში არიან, ღმერთო ყველას დაუბრუნე მისი ოჯახის წევრი მშვიდობით” – წერს მოქალაქე სოციალურ ქსელში.
შეგახსენებთ, ამ დრომდე, ოფიციალური მონაცემებით, დაკარგულად ითვლება 35 ადამიანი, თუმცა, “მეტრონომისთვის” მიწოდებული ინფორმაციის თანახმად, მათი რაოდენობა გაცილებით მეტია.