მომღერალი თამრიკო ჭოხონელიძე ბერა ივანიშვილის ნათლიაა. როგორც თავად ჭოხონელიძე ამბობს, როდესაც ბერას ნათლიაობა შესთავაზეს, ბიძინა ივანიშვილს არავინ იცნობდა.
ნათლიაობის ინიციატივა კი ბიძინა ივანიშვილის მეუღლემ, ეკატერინე ხვედელიძემ გამოთქვა.
“ეს ოჯახი გახმაურებული იყო თავისი სულიერი სიმდიდრით. ჩვენი ოჯახების სიახლოვე ეკას დედ-მამისაგან წამოვიდა. იმიტომ რომ, მამაჩემი და ბიძინას სიმამრი ერთად გაიზარდნენ.
ჩვენ სულ სხვა ურთიეთობა გვქონდა. აქ არ ტრიალებდა ფინანსური მხარე, აქ იყო მხოლოდ მორალური ადამიანური სიახლოვე” – განაცხადა ჭოხონელიძემ “პირველ რადიოსთან.”
ბოლო პერიოდში თამრიკო ჭოხონელიძეს ბევრს ეკითხებიან ბერასთან ურთიერთობაზე. მაგალითად, მიულოცა თუ არა და იყო თუ არა ქორწილში, ბავშვის ნათლობაზე?
“არც ბერას ტელეფონი ვიცი და არც კონტაქტი მაქვს და როგორ მივულოცო? ბევრი ადამიანი ახვევია თავს, რომლებიც მასთან ახლოს არ მიშვებენ. გარდა იმისა, რომ აქციებზე შევხვდი მას, არანაირი ურთიერთობა არ მაქვს. არც ილუზია მქონია, რომ ბერა ქორწილში დამპატიჟებდა. ბერას ქორწინების შესახებ ჟურნალისტებისგან გავიგე…” – განაცხადა თამრიკო წოხონელიძემ.