ხვიჩა კვარაცხელიას „ნაპოლი“ დიმაროში იმყოფება და ქართველი ფეხბურთელის გუნდს ორი ამხანაგური შეხვედრა აქვს დაგეგმილი და „ანაუნესა“ და „სპალს“ დაუპირისპირდება.
„ანაუნესა“ და „პარტენოპეის“ შეხვედრა 20 ივლისს გაიმართება და თბილისის დროით, 20:00-ზე დაიწყება. ნეაპოლური პრესის ინფორმაციით, ამ მატჩში ის ფეხბურთელები მიიღებენ მონაწილეობას, რომლებმაც გუნდთან ერთად ვარჯიში გასულ პარასკევს დაიწყეს, რაც იმას ნიშნავს, რომ ხვიჩას მოედანზე ვერ ვიხილავთ.
Tuttonapoli-ის ცნობით, კვარაცხელიას ორშაბათს, 24 ივლისს, თბილისის დროით, 20:00-ზე ითამაშებს, როცა „ნაპოლი“ „სპალს“ დაუპირისპირდება.
აღსანიშნავია, რომ ხვიჩამ „ნაპოლის“ მაისური პირველად სწორედ „ანაუნეს“ წინააღმდეგ მოირგო, მოედანზე 45 წუთი გაატარა და 2 გოლითა და 1 საგოლე გადაცემით გამოირჩა, მისმა გუნდმა კი 10:0 იმარჯვა.
ცნობისთვის, „ნაპოლი“ დიმაროს 25 ივლისს დატოვებს. 28 ივლისს, „კვარა“ და კომპანია კასტელ დი სანგროში გადაინაცვლებენ და იქ 12 აგვისტომდე დარჩებიან, შემდეგ კი სერია A-ს პირველი ტურის შეხვედრისთვის მოემზადებიან, რომელშიც გიორგი კვერნაძის „ფროზინონეს“ დაუპირისპირდებიან.