ქუთაისში, ავარიის შედეგად დაშავებული მეექვსე მგზავრი, რომელიც რამდენიმე დღე კლინიკაში სიცოცხლისთვის იბრძოდა, გარდაიცვალა. სამწუხარო ინფორმაციას ოჯახის ახლობლები ავრცელებენ.
გარდაცვლილი გოგონა მირანდა ცეცხლაძეა.
„მირანდაა… ბოლოს ასე თეთრებში შემოფარფატდი ჩვენთან… ყველას მოგვესიყვარულე, შენებური სითბოთი… ამ დღეს სულ სხვანაირი იყავი, დედოფალივით. უსაზღვრო სიყვარული დაგვიტოვე ყველას შენს უფროს მეგობრებს ნათელი გქონდეს ჩვენო ანგელოზო გოგო, საუკუნო სასუფეველში“ – წერს გარდაცვლილი გოგოს მეგობარი.
ემოციურ პოსტს გარდაცვლილის ახლობელი იმედა ცეცხლაძე ეხმაურება და კომენტარებში წერს:
“მირო სიტყვები არ მყოფნის რა.ვთქვა წახვედი და დატოვე შენი ერთადერთი ძმა მირზა რომელიც შენი გაზრდილია ისე.გიყვარდა არაფერს აკლებდი იმდღეს კი უთხარი ექიმებს მიშველეთ გადამარჩინეთ ძმა მყავს ობლად არ დამრჩესო მაგრამ მაინც მიატოვე და მეგობარს გაყევი იმ ქვეყნიურ სასუფეველში ღმერთმა ნათელში გამყოფოს”
