კომპოზიტორ მაია კაჭკაჭიშვილს ცოტა ხნის წინ კორონავირუსით ბიძა გარდაეცვალა. კორონავირუსით არიან ინფიცირებულები ბებია-ბაბუაც. კომპოზიტორი მათი ჯანმრთელობის მდგომარეობის შესახებ პოსტს ავრცელებს:
“რაც დრო გადის, მით უფრო ვიაზრებ მდგომარეობას. ვცარიელდები და სასოწარკვეთილება მეუფლება, მაგრამ ვაი რომ, არ მაქვს უფლება, მივეცე ამ გრძნობას და გავერიდო ყველაფერს აქაურს! ბებო და ბაბუ მყავს კოვიდით მძიმე მდგომარეობაში და არც კი იციან, რომ შვილი აღარ ყავთ. ამის მერე ხომ მჭირდება ოდნავი ძალა, რომ ამათ მაინც მივხედო თუ გადარჩნენ, ან როგორ უნდა გავაგებინო 90 წლის მოხუცებს? ან ის პატარა ძალა რომლის იმედიც მაქვს, სად ვიშოვო? იმის ნაცვლად, რომ გავძლიერდე ვსუსტდები. ვიცი, რომ ამის უფლება არ მაქვს!
რა რთულია, რომ დამარქვეს ძლიერი ადამიანი და უნდა გავამართლო ეს სტატუსი. არადა არც იციან, რა სუსტი ვარ…” – წერს მაია.