“შაბათის ეთერის” ჟურნალისტური გამოძიების მძიმე გაგრძელება – რუსთავის მე-8 მიკრორაიონში მდებარე ხანდაზმულთა თავშესაფარში არსებულ უმძიმეს მდგომარეობაზე პირველებთან პანსიონატის ყოფილი თანამშრომელი საუბრობს.
ძალადობა მოხუცებზე, ვადაგასული საკვები და საფრთხის შემცველი მედიკამენტები – ეს მხოლოდ ამბის ნაწილია, რომელზეც “პირველების” რესპოდენტი ალაპარაკდა.
ხალხი ბინძურად იყო, არ ბანენ, არ ასუფტავებენ, ურტყავდნენ, პამპერსებს არ უცვლიან. ხალხი სულ დალურჯებული იყო მე რომ მივედი, ვინც უფრო მწოლიარე იყო. ნომალურ საჭმელს არ აჭმევენ არავის. ათი ოცი დღის ხორცი და რაღაც მაცივარში, რომ აგდია იმას აჭმევენ. წამლებს უკეთებენ, ყველას ერთნაირი წამალი, როგორ უნდა მისცე?! ძალით ასმევენ ყველაფერს, გინდა არ გინდა ეს ხალხიც სვავს იმიტომ, რომ ეუბნებიან ექიმმა გამოგიწერა, რომელმა ექიმმა გამომიწერა მე ის ექიმი არ მინახავს იქ” – აცხადებს თავშესაფრის ყოფილი თანამშრომელი.
“შაბათის ეთერის” ჟურნალისტური გამოძიების შემდეგ, სახალხო დამცველმა რუსთავის ხანდაზმულთა თავშესაფრის მდგომარეობის შესახებ შსს-ს მიმართა.
ლევან იოსელიანი მოუწოდებს ჯანდაცვის სამინისტროს, აღირიცხოს კერძო ტიპის ხანდაზმულთა ხანგრძლივი მოვლის დაწესებულებები და დაიწყოს მსჯელობა მათი კონტროლის ეფექტიანი მექანიზმის შექმნაზე.