„ამას როგორც სჩანს სწყინდა ჩიბურაშკას რომ ვუძახდით კურსზე. არადა არავის არ გვქონდა წყენინების განზრახვა“, – ასე გამოეხმაურა „ტაბულას“ დამფუძნებელი თამარ ჩერგოლეიშვილი „ლელოს“ წევრის, ანა ნაცვლიშვილის პოსტზე კულტურის მინისტრის, თეა წულუკიანის კომენტარს.
შეგახსენებთ, გასულ კვირაში პრემიერმა ირაკლი ღარიბაშვილმა პარლამენტს ანგარიში წარუდგინა. ნაცვლიშვილმა პრემიერს ჰკითხა, რატომ უშვებდა საკუთარ შვილს სასწავლებლად აშშ-ში, ფრანკლინის მიერ დაარსებულ უნივერსიტეტში მაშინ, როცა საქართველოში არსებულ ფრანკლინის კლუბსა და დასავლეთს ლგბტქ+ თემის პროპაგანდის გავრცელებაში ადანაშაულებდა.
ამის შემდეგ ანა ნაცვლიშვილის მისამართით თეა წულუკიანმა შემდეგი კომენტარი დაწერა: „უტვინოა უბრალოდ, თორემ საყვარელია ბუთქუჩა“.