დღის თემა ხელისუფლების ოპონენტებზე ბოლოდროინდელი ძალადობის საკითხია.
ამასთან დაკავშირებით არაერთი კომენტარი გაკეთდა როგორც პოლიტიკოსების, ისე ჟურნალისტების და ასევე სასულიერი პირების მხრიდან.
ჟურნალისტი ვახო სანაია სოციალურ ქსელში საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებას გამოეხმაურა.
„რატომ იწვალა ჯაღმაიძემ იმ ტექსტზე, პირდაპირ დიტო სამხარაძის სტატუსი გაეზიარებინა.
თან სამხარაძის სტატუსი უფრო რბილია, ვიდრე ჯაღმაიძის“, – წერს სანაია.
შეგახსენებთ, ჯაღმაიძის მტკიცებით, ზოგიერთი ჟურნალისტის მხრიდან გახშირდა მცდელობა, მომხდარი ინციდენტებზე, ცემის ფაქტებზე, პასუხისმგებლობის ვექტორი საპატრიარქოსკენ მომართონ.
რაც შეეხება „ქართული ოცნების“ დეპუტატს დიტო სამხარაძეს, მისი თქმით, არასდროს დაგმობს საქართველოს მტრებზე ძალადობას.