ჯამლეტ ხუხაშვილი ონკოლოგიური პაციენტი იყო, რომელიც 78 წლის ასაკში გარდაიცვალა და მძიმე დაავადებას, სენს ებრძოდა.
სოციალურ ქსელში ვრცელდება ინფორმაცია, რომ ისრაელის სსფ “გულთა კავშირი” მწუხარებით იუწყება, თბილისში ჯამლეტ ხუხაშვილის
გარდაცვალებას. როგორც ცნობილია, როდესაც მას ჯანმრთელობის მძიმე პრობლემა შეექმნა, ის ისრაელში მკურნალობდა, შემდეგ კი მკურნალობის კურსი საქართველოში განაგრძო
მას თვალის ფსკერზე 25 ქიმია გაუკეთეს და ამ 25-მა ქიმიამ, რომელიც ნემსით შეუყვანეს თვალში, თავისი საქმე გააკეთა და რომ სიმსივნური სივრცე იყო შეკუმშული, ანუ ქიმიამ სიმსივნური სივრცე უკუაქცია. თუმცა შემდეგ მცირეოდენი გაუგებრობა წარმოიშვა და ისევ ქიმიაზე გადავიდნენ. ისევ მიხედეს და მოუარეს. ისრაელში უძლიერესი ექიმის პროტოკოლით მკურნალობდა, შემდეგ თბილისში გააგრძელა მკურნალობა
ნახეთ კომენტატორის ერთ-ერთ ბოლო ინტერვიუს, რომელიც 2022 წლის ზაფხულში „თბილისელებს“ მისცა.
„მარცხენა თვალზე შემექმნა პრობლემები. ივა ბერაძე, ჩემი თანაკლასელი და მეგობარი, დიდოსტატია ოფთალმოლოგიაში და მასთან მივედი, გამსინჯეს და ძალიან რთული დიაგნოზი დამისვეს – ეს არის ლიმფომა თვალის ფსკერზე, რაც უიშვიათესი შემთხვევაა. საქართველოში ამ დაავადების სტატისტიკა საერთოდ არ არსებობს. ამიტომ, ივამ მითხრა: ბატონო ჯამლეტ, სასწრაფოდ უნდა გაემგზავრო ისრაელში და იქ იმკურნალოთო. ჩემი სიძე ისრაელში მუშაობს, ჩემი გოგოც, ერთ საავადმყოფოში არიან. აღმოჩნდა, რომ თვალი რომ გადამერჩინა ამ სიმსივნისგან, სასწრაფოდ უნდა წავსულიყავი. ფაქტობრივად, მთელი წლის მკურნალობა ისრაელში გავიარე. თვალის ფსკერზე 25 ქიმია გამიკეთეს, ეს მთელი წლის კურსია. ამ 25-მა ქიმიამ, რომელიც ნემსით შემიყვანეს თვალში, თავისი საქმე გააკეთა. მერე ორი ათასი ფოტო გადაიღეს, ყველანაირი გამოკვლევა ჩამიტარეს და ნახეს, რომ სიმსივნური სივრცე შეკუმშული იყო. ანუ, ქიმიამ სიმსივნური სივრცე უკუაქცია. მაგრამ მერე მცირეოდენი გაუგებრობა წარმოიშვა და ისევ ქიმიაზე გადავიდნენ. ისევ მიხედეს და მოუარეს. ყველაფერი უმაღლესი რანგის ექიმებმა გამიკეთეს. ისრაელში უძლიერესი ექიმის პროტოკოლით ვმკურნალობდი, რომ პროცესი ბოლომდე მიმეყვანა. ახლა უკვე აქ, თბილისში ვაგრძელებ მკურნალობას.
მე მაინც ვიბრძვი. ქიმიას ვებრძვი, ბოტანიკასაც და ფიზიკასაც. თუმცა, ქიმია არ არის მარტივი და თავის კვალს ტოვებს. სისუსტეს ვგრძნობ, მაგრამ ყველანაირად უნდა გავუძლოთ. მთავარია, რომ საქართველოში დიდი სპეციალისტები გვყავს და მიხარია, რადგან კარგ ექიმს ძალიან დიდი მნიშვნელობა აქვს. მათი იმედი მაქვს. ქიმიების დროს ზოგადი სისუსტე არ არის გასაკვირი, ეს იქნება ვიცი და ამას შეგუება სჭირდება”, – ამბობდა ჯამლეტ ხუხაშვილი.