ვაზისუბანში ლიფტის შახტაში 35 წლამდე ასაკის ცოლ-ქმარი არმენ სარქისოვი და არმინე ვოსკანიანი დაიღუპა. მათ 4 წლის ბავშვი დარჩათ. გავრცელებული ინფორმაციით, შემთხვევა მათი შვილის და ასევე გარდაცვლილის მამიდის თვალწინ მოხდა. სწორედ მათ მიმართეს მომხდარის შემდეგ დასახმარებლად მეზობელს. ცნობილი ხდება, რომ ოჯახი ახალი წლის აღსანიშნავად სტურად მიდიოდა, რა დროსაც ტრაგედია მოხდა. ახალგაზრდა ცოლ-ქმრის ცხედრები პროზექტურაშია გადასვენებული.
უბედური შემთხვევა მაშინ მოხდა, როდესაც ლიფტი გამოიძახეს, თუმცა, კარი ისე გაიხსნა, რომ ლიფტის კაბინა იმ სართულზე არ იყო. მამაკაცი შახტაში ჩავარდა, მის დახმარებას მეუღლე ცდილობდა, რა დროსაც ლიფტი დაიძრა და ორივე გარდაიცვალა.