მომღერალი ნინო ქათამაძე ბახმუტთან, 5 ქართველი მებრძოლის დაღუპვას ეხმაურება და ოჯახის წევრებს სამძიმარს უცხადებს.
ქათამაძის თქმით, შემაშფოთებელია, რომ საქართველოს ხელისუფლება გონს ვერ მოდის.
“სამძიმარს ვუცხადებ საქართველოს, დაღუპული გმირების დედებს, ოჯახებს ჩვენ დღეს რომ ვსაუბრობთ ჩვენი გმირების დამსახურებაა და სრულიად შემაშფოთებელია ის რომ ჩვენი ხელისუფლება საერთოდ ვერ მოდის გონს, – თქვა ნინო ქათამაძემ. [ფორმულა]
5 ქართველი მებრძოლი უკრაინაში 3 დეკემბერს დაიღუპა. რუსულ აგრესიას ბადრი მარკელია, როლანდ კვარაცხელია, რომეო ფიჩხაია, მერაბ ალადაშვილი და ავთო რურუა ემსხვერპლნენ.
ცნობილია, რომ შეტაკება ქალაქ ბახმუტთან მოხდა, რომელიც ომში ახლა ყველაზე ცხელი წერტილია და ინტენსიური საბრძოლო მოქმედებები მიმდინარეობს.
პუტინის ომს უკრაინაში, 24 თებერვლის შემდეგ, უკვე 33 ქართველი მებრძოლი შეეწირა.