„მოტივაციას საკუთარი თავი მაძლევს“ – გიორგი მამარდაშვილი იუბილარია

დღეს საქართველოს ნაკრების მეკარის, გიორგი მამარდაშვილის დაბადების დღეა. „ვალენსიას“ ფეხბურთელი 22 წლის გახდა.

როგორც სპორტსმენი ერთ-ერთ ინტერვიუში ამბობს, თამაში პროფესიულ დონეზე 8 წლიდან დაიწყო და მოტივაციას მხოლოდ და მხოლოდ საკუთარი თავი აძლევს.

აღსანიშნავია, რომ სექტემბრის თვეში, ესპანეთის ჩემპიონატმა საკუთარ არხზე ტოპ 5 მოგერიება გამოაქვეყნა, სადაც მამარდაშვილიც მოხვდა. საუკეთესო 5 მოგერიებაში ქართველი მეკარის 2 „სეივი“ მოხვდა, ორიდან ერთი კი პირველ ადგილზე გავიდა.

საქართველოს ნაკრების ყველაზე ძვირადღირებულ მოთამაშეთა ხუთეულში მამარდაშვილი მეორე ადგილს იკავებს.

1 – ხვიჩა კვარაცხელია –  (ნაპოლი) 35,00 მილიონი ევრო

2 – გიორგი მამარდაშვილი (ვალენსია)  – 20,00 მილიონი ევრო

3 – საბა ლობჟანიძე  (ჰატაისპორი) – 4,30 მილიონი ევრო

4 –  დავით ხოჭოლავა (კოპენჰაგენი) –  3,0 მილიონი ევრო

5 –  გიორგი მიქაუტაძე  (მეცი) – 2,0 მილიონი ევრო

წყარო: “პრაიმ ტაიმი”